АҚШ президенти Доналд Трамп Венесуэла президенти Николас Мадуро ва унинг ҳокимиятини ағдариш мақсадида амалга оширилган операция ҳақида матбуот анжумани ўтказди. У ўз сўзларида, Мадуронинг Венесуэла халқини сифатсиз бошқаргани ва наркотрафикдаги иштироки ҳақида баёнот берди.
Трампнинг айтишича, Мадуро ноқонуний диктатор сифатида, АҚШ халқига қарши катта жиноятлар содир этган ва наркотик моддалари трафигини бошқарган. “Мадуро р Cartel de los Soles картелига раҳбарлик қилган ва минглаб америкаликлар ўлимига сабаб бўлган. Мадуро ҳокимияти тугади, у энди президент эмас”, — деди Трамп.
Шунингдек, АҚШ етакчиси Венесуэла нефт саноатига сармоя киритишни режалаштираётганини ва у ердаги нефт инфратузилмасини тиклаш учун йирик компаниялар миллиардлаб доллар сарфлашига ишонч билдирди. “Биз Венесуэла халқини бой ва мустақил қиламиз. Уларни бахтли қиламиз,” — деб баён қилди Трамп.
Бу баёнотлар АҚШнинг Венесуэла билан муносабатларига янги ва сезиларли бир бурилишни кўрсатмоқда ва мамлакатнинг келажаги ҳақидаги сиёсатни аниқ белгиламоқда.
“Zamin”ни Telegram'да ўқинг!
