Москва Украинадаги можарони бартараф этиш бўйича АҚШ томонидан илгари сурилган Запорожье атом электр станциясини (ЗАЭС) Америка назоратига ўтказиш таклифига қарши эканини билдирди.
Бу ҳақда Reuters ахборот агентлиги манбаларига таяниб хабар тарқатди.
Маълум қилинишича, Вашингтон томонидан таклиф этилган режага кўра, Запорожье атом электр станцияси АҚШ назорати остига ўтказилиши ҳамда у ерда ишлаб чиқариладиган электр энергияси Россия ва Украина ўртасида тенг тақсимланиши назарда тутилган.
Бироқ манбаларнинг таъкидлашича, Россия ушбу объект фақат Москва назоратида қолиши лозимлигини қатъий талаб қилмоқда. Шу билан бирга, Украина томони ҳам мазкур ташаббусни қабул қилиб бўлмайдиган таклиф сифатида баҳоламоқда.
Reuters манбаларига кўра, ҳозирча ҳудудий масала ҳам очиқ қолмоқда. Украина тинчлик битими шартлари, жумладан, ҳудудларга оид бандни референдум орқали ҳал қилиш ниятида эканини билдирган.
“Zamin”ни Telegram'да ўқинг!
