АҚШ давлат котиби Марко Рубио Мюнхен хавфсизлик конференциясида сўзга чиқиб, глобал тартибни устувор қўйиш ва «чегараларсиз дунё» ғояси амалда ўзини оқламаганини таъкидлади.
– Унинг билдиришича, АҚШ Европанинг кучли ва мустақил бўлишидан манфаатдор.
– Шунингдек, Ғарб мамлакатларида оммавий миграция ҳозиргача кузатилмаган даражага чиққанини қайд этган Рубио бу жараён жамият бирдамлигига ва давлатларнинг келажагига жиддий таҳдид солаётганини айтди.
– Унинг фикрича, АҚШ ва иттифоқчи давлатлар суверенитетнинг муайян қисмини халқаро институтларга топшириб, ижтимоий харажатларга устуворлик бергани сабаб мудофаа салоҳияти етарлича ривожланмай қолган.
– Давлат котиби, шу билан бирга, Бирлашган Миллатлар Ташкилоти катта имкониятларга эга бўлса-да, ҳозирги долзарб муаммолар бўйича аниқ ва самарали ечимлар таклиф қила олмаётганини танқид қилди.
– Айтилишича, БМТ Украинадаги можарони тўхтатишга муваффақ бўлмаган, томонлар ўртасидаги музокаралар эса асосан АҚШ воситачилигида амалга оширилган.
“Zamin”ни Telegram'да ўқинг!
