Сан-Францисколик денгиз чўчқаси Кора ўзининг спорт маҳорати туфайли Гиннеснинг рекордлар китобига кирди — у бардан сакрай олади.
Кора эгаси, 13 ёшли Зои Хирн туфайли баландликка сакрашни ўрганди. Зои дўсти кемирувчилар сакрай оладими, деб ҳайрон бўлганидан кейин чўчқанинг қобилиятларини ривожлантира бошлади.
Зоининг ота-онаси чўчқа учун хавфсиз ёғоч тўсиқ ясаб, сочиқлар қўйишди ва машғулотлар бошланди. Зои Корага кўк мевалар ва салат баргларини кўрсатди, вақт ўтиши билан чўчқа турли баландликдаги барлардан муваффақиятли сакрашни ўрганди.
Кейинчалик Коранинг истеъдоди ноёб эканлиги маълум бўлди ва унинг бардан сакрашлари Гиннеснинг рекордлар китоби вакилларига намойиш этилди.
Кора тахминан 26,6 см баландликдаги бардан сакради. Бу ҳозирда денгиз чўчқалари учун рекорддир.
Зоининг сўзларига кўра, Кора унинг скрипка чалишини тинглашни ва бошқа денгиз чўчқалари Коко ва Хлоя билан вақт ўтказишни ёқтиради.
“Zamin”ни Telegram'да ўқинг!
