Белгия шоколадидан тайёрланган поезд Гиннеснинг рекордлар китобига киритилди (видео)

Zakon.kz хабар беришича, битта локомотив ва 22 та вагондан иборат шоколадли асар Гиннеснинг рекордлар китобига киритилди.

Рекордлар китоби расмий сайтидаги маълумотларга кўра, 55 метрли эски услубдаги шоколадли поезд Мальтада яратилган. 22 та вагоннинг ҳар бири 160 кг гача оғирликка эга.

Шу тариқа, мальталик шоколадчи Эндрю Фарружиа ўзининг учинчи Гиннес рекордини янгилади. У ва унинг жамоаси лойиҳага тайёргарлик кўриш учун бир йил сарфлашди. Ишлаб чиқаришнинг ўзи тўрт ой давом этди.

Ҳунарманд ҳар бир поезд компонентининг лойдан ясалган моделларини яратди, кейин улар шоколадга қуйилди. Ниҳоят, барча компонентлар катта шоколадчилар жамоаси томонидан йиғилди. Ширин поезднинг тахминан беш минг бўлаги қўлда ўйилган.

Поезд Миланда намойиш этилди ва рекорд узунликдаги шоколадли моделни кўчириш қийин эди. Шунинг учун уни Италия пойтахтига ташиш жараённинг энг хавфли қисми бўлиб чиқди.

"Биз ҳар бир буюмни пластик плёнка билан маҳкам ўрашимиз керак эди. Лекин мен барча конструкциялар хавфсиз тарзда етиб келганини ва бирорта ҳам қисми шикастланмаганини хабар қилишдан жуда мамнунман!", деди Эндрю Фарружиа.

Charos Zarqarayeva

«ZAMIN.UZ» муҳаррири