Жанубий Кореянинг собиқ президенти ярим кундан кўпроқ сўроқ қилинди

  • 22 март 2017, 08:13
  • 4 027
  • Дунё
  • Жанубий Кореянинг собиқ президенти ярим кундан кўпроқ сўроқ қилинди
    Жанубий Кореянинг собиқ президенти Пак Кин Хени сўроқ қилиш 14 соат давом этди ва маҳаллий вақт билан яримтунга яқин якунланди, деб ёзмоқда "Кун.уз" сайти.

    Прокуратура Пак Кин Хени яқин дугонаси Цой Сун Суль аралашган 13 та коррупция ишига алоқадорликда гумон қилмоқда.

    Аввалроқ сўроқ вақтида Пак Кин Хе "шахсан ўзи ҳеч нарсага алоқаси бўлмагани ва ҳеч нарсани билмаганини" айтган. Собиқ президент қолган ишлар бўйича эса "улар одатий давлат сиёсатининг бир қисми бўлганини ва Цойга ёрдам беришда шахсий манфаат кўриш истаги бўлмаганини" айтган.

    Ахборот агентлиги маълумотларига кўра, Пак Кин Хе прокуратурани кўрсатмалар тўғри ёзиб олинганини текширгач тарк этиши керак эди. Таъкидланишича, кўрсатмаларнинг текширилиши маълум вақт олиши мумкин.

    Бу собиқ президентнинг биринчи сўроқ қилиниши бўлди. Ҳанузгача Пак Кин Хе давлатнинг биринчи шахси сифатида юридик дахлсизлик ҳуқуқидан фойдаланиб келаётганди ва прокурорлар билан учрашишдан бош тортиб келаётганди. Конституциявий суд Пак Кин Хенинг импичментини тасдиқлагач, у юридик иммунитетини йўқотган.

    Facebook орқали авторизация
    Маълумот

    Посетители, находящиеся в группе Гости, не могут оставлять комментарии к данной публикации.
    » » Жанубий Кореянинг собиқ президенти ярим кундан кўпроқ сўроқ қилинди