Литва полицияси АҚШ томонидан 100 миллион доллардан кўпроқ маблағни электрон почта ёрдамида ўғирлаганликда айбланаётган фуқарони ҳибсга олди. Бу ҳақда «РБК»га асосланиб «Дарё» маълум қилди.
Тергов маълумотларига кўра, товламачи, 48 ёшли Эвалдас Римасаускас Литвада фирмани рўйхатдан ўтказган. Фирманинг номи Осиёдаги компьютер қурилмалари ишлаб чиқарадиган фирмалардан бирининг номидан кўчирилган. Бу компаниянинг номидан 2013—2015 йиллар оралиғида Римаускас АҚШнинг иккита интернет компаниясига бир нечта электрон фишинг хабар (сохта хабар) жўнатган.
АҚШнинг икки компанияси ҳақиқий компания билан бир неча марта йирик шартномалар имзолаган. Римаускас Америка компанияларининг ходимларини чалғитиб, ўзига тегишли Латвия ва Кипрдаги ҳисоб рақамларига пул ўтказишга эришган. Шундан сўнг у пулни дунёнинг бошқа мамлакатларида очилган ҳисоб рақамларига жўнатган. Бундан ташқари, жабрланган компаниянинг ҳужжатларини қалбакилаштириб, банкларни пул ўтказмаларининг ҳақиқийлигига ишонтирган. Шу тариқа, у 100 миллион доллардан ортиқ маблағни қўлга киритган.
Хабарларга кўра, агар суд Римаускасни айбдор деб топса, у 20 йилдан ортиқ қамоқ жазосига ҳукм қилинади. АҚШ ҳукумати Литва ҳуқуқни муҳофаза қилиш органларига товламачини қўлга олганлиги учун миннатдорчилик билдирди. “Замин” янгиликларини “Facebook”да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
Россияда америкалик аскар ўғриликда айбланиб қўлга олинди
Ғазо аҳолиси ҲАМАСнинг тинчликка эришиш йўлидаги қарорини нишонлаш учун кўчаларга чиқди
ОАВ: Марказий Осиё давлатлари дронлар билан қуролланмоқда
Освенцимда минглаб яҳудийлар «Тириклар марши» акциясини ўтказди
Бекхэм Роналдуни “Интер Майами”га олиб келиш бўйича иш бошлади
Шавкат Мирзиёев Олий Евросиё иқтисодий кенгаши мажлисида нутқ сўзлади
Лавров: “АҚШдаги демократлар ва республикачилар Россияни душман деб билади”
Бразилияда сув тошқинлари: қурбонлар сони 75 кишига етди