Жон Кеннедининг Адольф Гитлер ҳақида ёзиб қолдирган кундалиги аукционга қўйилди

АҚШнинг 35-президенти Жон Кеннедининг тутган кундалиги Бостондаги RR аукционига қўйилди. Унда президент фашистлар раҳбари Адольф Гитлер ҳақида ёзиб қолдирган, деб маълум қилади Kun.uz.

Американинг Time журналида хабар берилишича, 28 ёшли Кеннеди Гитлер ҳақида 1945 йил ўзининг урушдан сўнг Европага газета мухбири сифатида уюштирган сафарида ёзиб қолдиради. Ўша вақтда у етакчининг Бавариядаги икки қароргоҳи - Бергхоф ва Кельштайнхаусда бўлади.

"Унинг ўз юртига нисбатан чексиз салоҳияти дунё тинчлигига таҳдид солади. Гитлернинг ҳаёт йўли, ўлими келажакда фақат янада чуқурлашиб борувчи сирли ҳикояга айланган. Унда шундай ҳислатлар бўлганки, бежизга афсоналар яратилмайди", - деб ёзади Кеннеди.

Айни дамда кундалик Дердр Хендерсонга тегишли бўлиб, у Кеннеди Массачусетс штатининг сенатори бўлган вақтда ёрдамчи бўлган.

Аукцион 26 март куни ўтказилади. Экспертларнинг айтишича, лотнинг нархини 200 минг долларга баҳолашмоқда.

Янгиликлар