АҚШ энергетика вазири Крис Райт яқин ҳафталар ичида Ормуз бўғози орқали кема қатнови яна изига тушишини маълум қилди. У CNN телеканалига берган интервьюсида вазият ижобий томонга ўзгараётганини таъкидлади.
Вазирнинг сўзларига кўра, яқинда бўғоз орқали йирик нефть танкери муваффақиятли ўтган. Бу ҳолат халқаро юк ташиш йўналишлари аста-секин қайта тикланаётганидан далолат беради. Бироқ, Райт ҳали тўлиқ хавфсизлик ва нормал шароитлар таъминланмаганини, бунинг учун бироз вақт кераклигини қўшимча қилди.
Ормуз бўғози жаҳон нефть бозоридаги энг муҳим стратегик нуқталардан бири ҳисобланади. Унинг ёпилиши ёки қатнов чекланиши глобал энергия нархларига жиддий таъсир кўрсатади. Ҳозирги босқичда мутахассислар вазиятни диққат билан кузатмоқда ва логистика занжирларининг барқарорлашувини кутишмоқда.
“Zamin”ни Telegram'да ўқинг!
