Ироқ ғарбида АҚШнинг KC-135 ҳавода ёнилғи қуйиш самолёти уриб туширилди, оқибатда бортдаги барча олти нафар экипаж аъзоси ҳалок бўлди. Сўнгги хабарларга кўра, самолёт минтақада ҳаракат қилаётган шиа жангарилари томонидан отилган ракета нишонига олинган ва қулатилган.
Айни шу воқеа давомида иккинчи KC-135 самолёти ҳам шикастланган, бироқ Исроилга муваффақиятли фавқулодда қўнишга эришган. Пентагон уриб туширилган самолёт ўз кучлари томонидан йўқ қилингани ҳақидаги миш-мишларни расман рад этди. Бу "Epic Fury" операцияси бошланганидан бери йўқотилган тўртинчи Америка самолётидир.
KC-135 АҚШ ҳарбийларининг ҳаво операцияларида муҳим аҳамиятга эга бўлиб, ҳавода ёнилғи қуйиш учун асосий самолёт бўлиб хизмат қилади. Қиймати тахминан 25 миллион долларга тенг бўлган ушбу улкан самолёт Б-52 бомбардимончилари, шунингдек, Ф-15 ва Ф-35 қирувчи самолётларига ёнилғи етказиб бериш учун 14 метрлик телескопик трубадан фойдаланади. Битта KC-135 битта парвоз давомида 90 тоннагача ёнилғи етказиб бера олади, бу эса уни узоқ муддатли жанговар миссиялар учун муҳим воситага айлантиради.
“Zamin”ни Telegram'да ўқинг!
