Мужтаба Хоманаий Ларижоний ўлимига муносабат билдирди
Эрон олий раҳнамоси Мужтаба Хоманаий Миллий хавфсизлик олий кенгаши котиби Али Ларижонийнинг ўлимига муносабат билдирди. У Али Ларижонийни сиёсий, хавфсизлик, маданий ва бошқарув соҳаларида ўнлаб йиллар давомида Ислом Республикасига хизмат қилган илмли, доно, фидойи ва тажрибали шахс сифатида таърифлади. Мужтаба Хоманаий бундай террор ҳаракатлар душманларнинг адоватини акс эттиришини ва Эрон миллатининг қатъиятини мустаҳкамлашини айтди.
Эрон олий раҳнамоси Мужтаба Хоманаий Хавфсизлик кенгаши котиби Ларижонийнинг ўлимига муносабат билдирди.
“Миллий хавфсизлик олий кенгаши котиби Али Ларижонийнинг ўғли ва бир неча ҳамкасблари билан бирга шаҳид бўлгани ҳақидаги машъум хабар мени чуқур қайғуга ботирди.
У сиёсий, хавфсизлик, маданий ва бошқарув соҳаларида ўнлаб йиллар давомида Ислом Республикасига хизмат қилган илмли, доно, фидойи ва тажрибали шахс эди.
Бундай террор ҳаракатлар фақат душманларнинг адоватини акс эттиради ва миллатимизнинг қатъиятини мустаҳкамлайди. Шубҳасиз, адолат қарор топади.
Унинг оила аъзолари ва яқинларига, айниқса, Оятуллоҳ Амоли Ларижонийга чин дилдан ҳамдардлик билдираман ва уларнинг сафлари юксалишини сўраб дуо қиламан”.
Изоҳлар 0
…