Иброҳим Золфагари — Хатам ал-Анбия бирлашган қўмондонлиги вакили — АҚШ сиёсатига нисбатан қаттиқ танқидий фикрлар билдирди.
Унинг таъкидлашича, Вашингтон томонидан илгари сурилган “стратегик куч” амалда муваффақиятсизликка айланган:
“Сен гапирган стратегик куч энди стратегик муваффақиятсизликка айланди. Ўзини глобал супердавлат деб атаган томон агар ҳақиқатан ҳам қодир бўлганида, бу вазиятдан аллақачон чиқиб кетган бўларди”, — деди у.
Золфагари, шунингдек, АҚШнинг мавжуд вазиятни келишув сифатида кўрсатишга уринаётганини ҳам танқид қилди:
“Мағлубиятингизни келишув деб кўрсатишга уринманг. Бўш ваъдаларингиз даври тугади. Сизнинг ички зиддиятларингиз шунчалик чуқурлашдики, энди ўзингиз билан ўзингиз музокара олиб боряпсиз”, — дея кескин баёнот берди у.
Унинг фикрича, ҳозирги шароитда АҚШ ва Эрон ўртасидаги келишув эҳтимоли жуда паст:
“Биз каби инсонлар сиз каби томонлар билан келиша олмайди”, — деди у.
Шу билан бирга, у иқтисодий масалаларга ҳам тўхталиб ўтди. Унинг сўзларига кўра, АҚШ инвестициялари ва урушдан олдинги энергия нархлари фақат бир шарт бажарилган тақдирдагина тикланиши мумкин:
“Вашингтон минтақавий барқарорликни айнан Эрон қуролли кучлари таъминлаётганини тан олмагунча, бу ҳолат ўзгармайди”, — дея фикрини якунлади Золфагари.
“Zamin”ни Telegram'да ўқинг!
