Эрон Ислом инқилоби қўриқчилари корпуси раҳбари ўринбосари Раҳим Надалий маълумотига кўра, мамлакатда армияга чақирилувчиларнинг минимал ёши 12 ёш этиб белгилангани маълум бўлди. Бу ҳақда Al Arabiya телеканали хабар берди.
Телеканал хабар беришича, бу ёшдаги болалар разведка ва оператив қўриқлаш вазифаларига жалб этилиши мумкин, шунингдек, “Басиж” назорат-ўтказув пунктларидаги ишларда қатнашади, аскарларга овқат тайёрлаш ва жароҳатланганларга қараш билан боғлиқ вазифаларни бажаради.
Мутассаддилар таъкидлашича, бу қарор Эроннинг болаларни ҳарбий операцияларда ишлатмаслик бўйича халқаро мажбуриятларига мутлақо зиддир ва бутун дунёда кенг танқидга учрамоқда.
Шу кунларда АҚШ қуролли кучлари марказий қўмондонлиги (CENTCOM) матбуот хизмати 3,5 минг атрофида Америка денгизчилари ва денгиз пиёда қўшинлари Яқин Шарққа етиб келганини маълум қилди.
ОАВ хабарларига кўра, АҚШ Эронга қарши қуруқлик операцияларини бошлашга тайёргарлик кўрмоқда, бу эса минтақадаги вазиятни янада кескинлаштириши мумкин.
Эроннинг бу чоралари халқаро майдонда қатор низо ва танқидларни юзага келтирди, болалар ҳуқуқлари масаласи янада долзарб аҳамият касб этмоқда.
“Zamin”ни Telegram'да ўқинг!
