Украина президенти Володимир Зеленский Россия томонидан қўйилган янги шартлар ҳақида сўзлаб берди. Россия музокаралар доирасида Украинадан икки ой ичида Донецк вилоятидаги қўшинларини олиб чиқишни талаб қилмоқда ва бу муддатга риоя қилинмаса, кейинги талаблар ва шартлар ўзгариши мумкинлигини эълон қилган.
Зеленский таъкидлаганидек, «Россия Америка томонига шундай айтибди: муддат ўзгарди – икки ойдан кейин давлатимиз шарқидаги Донбасс ҳудудини эгаллайди. Шундай қилиб, Украинага у ердан ўз қўшинларини олиб чиқиши учун икки ой имконият берилган. Ана шу вақтда уруш тугайди. Агар Украина кетмаса, Россия Донбассни ўз назорати остига олади ва кейин янги шартларни қўяди».
Украина президенти Россия бу талабларни амалга оширолмаслигини ва Москва буни «тушунганини» ҳам қўшимча қилди. Донбасс ҳудуди Донбасс уч томонлама музокараларда асосий масала сифатида муҳокама қилинмоқда. Ҳар икки томон вакиллари илгари бир неча бор деярли барча бошқа масалалар бўйича келишувга эришган.
Шу билан бирга, АҚШ ва Исроилнинг Эрон билан бўлган можароси сабабли расмий музокаралар вақтинча тўхтатилди. АҚШ президентининг махсус вакиллари Стив Уиткофф ва Жаред Кушнер ҳозирда асосан Яқин Шарқдаги можарони ҳал қилиш билан шуғулланмоқда.
Бироқ америкаликлар украиналиклар ва россияликлар билан икки томонлама алоқаларини сақлаб қолмоқда. Бу эса музокаралар қайтиб бошланиши ва дипломатик йўллар орқали муаммоларни ҳал қилиш имкониятини сақлаб турибди.
Донбасс ҳудудидаги вазиятнинг яқин икки ойда қандай ривожланиши, Киев ва Москванинг қўшинларини олиб чиқиш ёки қолдириш бўйича қарорларига боғлиқ бўлиб, урушнинг келгусидаги сценарийлари ҳам шу вақтда аниқлашади.
“Zamin”ни Telegram'да ўқинг!
