“Роскосмос” Ер куни муносабати билан сайёрамизнинг космосдан олинган бетакрор суратини тақдим этди. Ушбу тасвир 5-сонли “Электрон-Л” гидрометеорологик сунъий йўлдоши ёрдамида олинган.
Мутахассислар бу каби суратлар Ернинг ҳолатини кузатиш, иқлим ўзгаришларини таҳлил қилиш ва экологик жараёнларни янада чуқурроқ ўрганишда муҳим аҳамиятга эга эканини таъкидлашмоқда. Космосдан олинган бу гўзал кадр эса инсониятга сайёрамизнинг нақадар ноёб ва ҳимояга муҳтож эканини яна бир бор эслатади.
“22 апрель — Ер куни — экологик муаммоларга эътибор қаратиш ҳамда табиатни асраш йўлида одамларни бирлаштиришга хизмат қиладиган халқаро байрам,” — дейилади давлат корпорацияси хабарида.
Ctrl
Enter
Хато топдингизми?
Иборани ажратиб Ctrl+Enter тугмасини босинг 
