Британиянинг The Mirror нашри тарқатган хабарга кўра, АҚШ президенти Доналд Трамп Оқ уйда ўтказилган фавқулодда йиғилиш чоғида “ядро кодлари”дан фойдаланишга уринган бўлиши мумкин. Ушбу маълумотни Марказий разведка бошқармасининг истеъфодаги таҳлилчиси Ларри Жонсон келтирган.
Унинг сўзларига кўра, мазкур ҳолат кескин вазият фонида юз берган ва Трамп стратегик қарор қабул қилиш жараёнида ядро арсеналига оид кодларга киришга ҳаракат қилган. Бироқ, ҳарбий тузилма вакиллари бунга йўл қўймаган.
Хусусан, АҚШ қуролли кучлари раҳбарияти вакили — генерал Ден Кейн вазиятга аралашиб, амалдаги тартиб-қоидалар ва ваколатлар доирасини эслатган ҳолда ушбу уринишни тўхтатгани айтилмоқда. Таъкидланишича, бундай муҳим қарорлар қатъий назорат остида бўлиб, бир неча босқичли тасдиқлаш жараёнидан ўтади.
Шу билан бирга, Трамп айнан нима сабабдан “ядро кодлари”га мурожаат қилмоқчи бўлгани ҳозирча очиқланмаган. Бу ҳолат юзасидан расмий изоҳлар берилмаган бўлса-да, мазкур хабар жамоатчилик орасида турли муҳокамаларга сабаб бўлмоқда.
“Zamin”ни Telegram'да ўқинг!
