Санкт-Петербургдаги портлашни уюштирганликда гумонланаётган террорчининг шахсини унинг ота-онаси тасдиқлади

  • 06 апрель 2017, 09:59
  • 5 682
  • Дунё
  • Санкт-Петербургдаги портлашни уюштирганликда гумонланаётган террорчининг шахсини унинг ота-онаси тасдиқлади
    Санкт-Петербург метросидаги портлашни уюштиришда террорчи сифатида гумонланаётган Акбаржон Жалилов шахсига унинг ота-онаси аниқлик киритдиа. Бу ҳақда «Коммерсантъ»га таяниб Дарё хабар берди.

    «Улар ўғлининг шахсини тасдиқлади. Тергов ишларига аниқлик киритиш мақсадида Жалиловнинг атрофидагилар ва улар билан алоқалари диққат билан ўрганиб чиқилмоқда», — дея Россия Тергов қўмитаси маълум қилди.

    Росгвардия террорчи-худкуш томонидан «Плошчад Восстания» метро станциясида қолдириб кетилган бомба тротил эквивалентида 1 килограмм қувватга эга бўлганлигини хабар қилди. Портловчи қурилманинг қуввати уни зарарсизлантирган мутахассислар томонидан аниқланди.

    Аввалроқ, барча қурбон бўлганларнинг шахси аниқланганди.

    Эслатиб ўтамиз, 3 апрель куни Санкт-Петербург метросида содир бўлган портлаш оқибатида 14 киши ҳалок бўлган, 50 га яқин одам жароҳат олган эди.

    Facebook орқали авторизация
    Маълумот

    Посетители, находящиеся в группе Гости, не могут оставлять комментарии к данной публикации.
    » » Санкт-Петербургдаги портлашни уюштирганликда гумонланаётган террорчининг шахсини унинг ота-онаси тасдиқлади