АҚШ Мудофаа вазирлиги Фоундатион Футуре Индустриес компанияси билан Пҳантом номли ўта кучли одамсимон роботларни ишлаб чиқариш бўйича 24 млн долларлик шартнома имзолади. Бу ҳақда Вашингтондаги манбаларга таяниб FOX Бусинесс нашри хабар бермоқда. Бу ҳақда Inform.kz хабар беради.
Дунё миқёсида кучли роботлар ишлаб чиқариш билан шуғулланувчи ушбу стартап АҚШ президентининг ўғли Эрик Трамп томонидан қўллаб-қувватланмоқда. Лойиҳанинг асосий мақсади технологиялар соҳасида Хитой билан рақобатда устунликка эришишдан иборат.
Жанговар машина душман объектларига кириш ва америкалик аскарлар ҳаётини сақлаб қолиш учун мўлжалланган. Компания раҳбари Санкет Патхак ва стратегия бўйича маслаҳатчи Эрик Трампнинг таъкидлашича, ушбу технология АҚШнинг жанг майдонидаги устунлигини таъминлайди.
Патхакнинг сўзларига кўра, Хитой ҳам ҳозирда ер усти ва ҳаво автономияси йўналишида шунга ўхшаш технологиялар устида фаол иш олиб бормоқда. Эрик Трамп роботларни амалда кўрганини ва улар ҳарбий операциялар боришини тубдан ўзгартиришига ишонишини билдирди.
Пҳантом роботи 79 килограмм вазнга эга бўлиб, сониясига 1,7 метр тезликда ҳаракатлана олади. Ушбу технологиядан нафақат мудофаа соҳасида, балки қурилиш ва табиий офат оқибатларини бартараф этиш ишларида ҳам фойдаланиш режалаштирилган.
“Zamin”ни Telegram'да ўқинг!
