Колумбияга ёпирилган сел оқибатида 100 дан зиёд бола ҳалок бўлди

Колумбиядаги Мокоа шаҳрига ўтган ҳафтада сел оқими ёпирилиши оқибатида камида 102 нафар бола ҳалок бўлган. Бу ҳақда «РИА Новости»га таяниб Дарё хабар бермоқда.

Сўнгги маълумотларга кўра, табиий офат туфайли жами 314 киши ҳаётдан кўз юмди. 247 нафар қурбоннинг жасади дафн этиш учун яқинларига берилди. Яна 332 киши жароҳат олган.

Шунингдек, расмийлар бедарак йўқолган 127 киши ҳақидаги маълумотларни тўплади. Улар орасида 3 нафар чет эллик — Испания, Германия ва Эквадор фуқаролари бор. «Замин»ни Telegram’да ўқинг!