4 майга ўтар кечаси Раменки тумани аҳолиси портлаш овозлари ҳақида хабар беришди. Бироз вақт ўтгач, Мосфильмов кўчасидаги уйга Украина томонидан учирилган дронлардан бири киргани расман тасдиқланди, деди шаҳар мери Сергей Собянин.
Сергей Собяниннинг билдиришича, зарба натижасида бинодаги бир хонадоннинг учта хонаси деворлари шикастланган. Дастлабки маълумотларда қурбонлар йўқлиги ва вазият назорат остида экани айтилмоқда.
Воқеа сўнгги вақтларда дронлар Россия пойтахти ҳудудига етиб келган кам учрайдиган ҳолатлардан бири сифатида баҳоланмоқда. Айрим манбаларга кўра, зарба берилган нуқтадан Кремлгача бўлган масофа тахминан 6 километрни ташкил этади.
Мутахассислар бу каби ҳодисалар Москва хавфсизлик тизими учун жиддий сигнал бўлиб қолаётганини таъкидламоқда. Ҳозирда ҳужум тафсилотлари ва дрон йўналиши юзасидан текширув ишлари давом этмоқда.
“Zamin”ни Telegram'да ўқинг!
