Олмониялик тупроқшунос, Баер Ҳанделсвертретунг компанияси раҳбари ва менежери Ёрк Баер Украинадаги Полтава вилояти фермер хўжаликларига тегишли ер майдонларини ўрганди ва ҳудуд тупроғига юқори баҳо берди.
Бу ҳақда Горизонт хабар берди.
Унинг сўзларига кўра, ушбу ҳудуддаги ер қатлами жуда унумдор бўлиб, айрим жойларда қора тупроқ қалинлиги 70–80 сантиметрга етиши билан ажралиб туради. Мутахассис бундай табиий бойлик қишлоқ хўжалиги учун жуда ноёб имконият эканини таъкидлаган.
Баернинг фикрича, бундай унумдор тупроқ деҳқончилик учун катта афзаллик яратади ва юқори ҳосил олиш имкониятини сезиларли даражада оширади. У ҳатто бу каби ерлар учун немис деҳқонлари жон беришга тайёрлигини ҳам қайд этди.
Мутахассиснинг баёнотига кўра, Украинадаги қора тупроқнинг сифати ва қалинлиги Европадаги кўплаб ҳудудлар билан солиштирганда анча юқори ҳисобланади. Шу сабабли бу ерлар аграр соҳада катта стратегик аҳамиятга эга экани таъкидланмоқда.
“Zamin”ни Telegram'да ўқинг!
