Томск аҳолиси ёнғин туфайли 7 қаватдан сакраган болани қутқариб қолди (Видео)

Россиянинг Томск шаҳар аҳолиси ёнаётган 7 қават балконидан сакраган 9 ёшли болани қутқарди, деб хабар берди Даракчи нашри.

Воқеага гувоҳ бўлганлар болани қутқариш учун реклама баннеридан фойдаланишди.

“Ҳодиса гувоҳлари 7 қават балконида турган болани кўргандан кейин реклама баннерини йиртиб олиб, уни пастда тутиб турганча, болани сакрашга ундашди. 7 қаватдан сакраган бола касалхонага ётқизилди”, деб хабар берди ҳудудий ФВВ вакили.

Ёнғин Томск шаҳридаги Иркутск кўчасида юз бериб, кўп қаватли уйнинг 7 қаватидаги квартира ёнган. Етиб келган ўт ўчирувчилар ёнғинни 14 дақиқада ўчирганига қарамай, олов хона шипи ва деворларини эгаллаб улгурган.
[media=https://youtu.be/92rWIcaKJWg] «Замин»ни Telegram’да ўқинг!