Шимолий Корея 29 апрелда навбатдаги маротаба, тахмин қилинишича, баллистик ракетани синовдан ўтказди. Бу ҳақда Жанубий Кореянинг "Рёнхап" ахборот агентлиги хабарига иқтибос келтирган ҳолда Кун нашри маълум қилди.
"Шимолий Корея бугун эрталаб Пхёнан-Намдо вилоятидаги Пукчхан туманидан номаълум турдаги ракетани учирди", деб айтилган Жанубий Корея қуролли кучлари штаблари бошлиқлари бирлашган қўмитаси хабарида.
АҚШ ҳарбийлари ҳам ракета учирилганини тасдиқлашди.
Жанубий кореялик мутахассисларнинг айтишича, ракета синови муваффақиятсиз якунланган, чунки у учирилгандан бир неча сония ўтгач портлаб кетган.
Япониялик мутахассисларнинг таъкидлашича, ракета қулашидан аввал 50 км учиб ўтган ва Шимолий Корея ҳудудини тарк этмаган.
Ракета синови БМТ Хавфсизлик кенгашининг Шимолий Корея ядровий дастурига бағишланган йиғилишидан бир неча соат ўтиб амалга оширилди.
Шимолий Корея ракета учиргани маълум қилингандан кейин Токио метросининг барча йўналишлари бўйича қатнов 10 дақиқага тўхтатиб қўйилган. Метродаги ахборот таблоларида "хавфсизлик текширилаётгани" маълум қилинган. Тахминан шунча вақтга Ниигата ва Канадзава ўртасида қатновчи "синкансэн" экспресс поезди ҳам тўхтатилган.
Ракета учирилишига АҚШ президенти Дональд Трамп тезкорлик билан муносабат билдирди. У твиттерда " Шимолий Корея ракетани учириб, Хитой ва унинг президенти истакларига беписанд муносабатда бўлганини" ёзди ҳамда "Бу жуда ёмон!", деб қўшимча қилди.
Янги ракета синови муносабати билан АҚШ Пхеньянга қарши санкцияларни кучайтириш бўйича ишларни тезлаштириб юбориши мумкин.
Бундан ташқари, ракета синови Трампнинг янги лавозимда бўлишининг 100 кунига "атаб" ўтказилган бўлиши мумкинлиги истисно қилинмаяпти. АҚШ сиёсий маданиятида муҳим аҳамиятга эга бўлган бу муддат 29 апрелда тугайди. Бу вақт ичида Трамп ва унинг маъмурияти Шимолий Кореяга нисбатан бир қатор кескин баёнотлар билан чиқди.
"Рёнхап" ахборот агентлигининг маълум қилишича, бу синов Ким Чен Ин ҳокимияти давридаги эллигинчи ракета синови бўлди. “Замин” янгиликларини “Twitter”да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
Мария Захарова украиналикларни Америка ҳиндуларига ўхшатди
Германияда мактаб ўқувчилари оммавий равишда ислом динини қабул қилмоқда
Россия дунёдаги биринчи водород ёқилғили автомобилни тақдим этди
Пиёда юриш ва боғдорчилик билан шуғулланиш депрессияга чалинишни 23 фоизга камайтиради
Қайси кундалик одатлар иммунитет пасайишига олиб келишини биласизми?
Зоир Мирзаев “Телефонсиз мактаб”га 300 млн сўм мукофот берди
АҚШнинг Ғазодаги сиёсатидан норози Давлат департаменти расмийси истеъфога чиқди
Америкалик олимлар барча учун бирдек фойдали жисмоний фаоллик турини аниқлади
