Париж таксисида 1,5 миллион еврога баҳоланган картина унутиб қолдирилди

Париж таксисида номи ошкор этилмаган арт-дилер италиялик мусаввир Лучо Фантанонинг 1,5 миллион еврога баҳоланадиган картинасини унутиб қолдирди. Бу ҳақда «Вести.ru»га таяниб «Дарё» хабар бермоқда.

Арт-дилер Concetto Spaziale туркумидаги картинани такси юкхонасига жойлаштиради. Йўлда кетаётганида телефон қўнғироғига чалғийди ва сурат эртаси кун эсига келади, холос.

У такси ҳайдовчисидан тўлов чекини олмагани сабабли ўзи юрган машина ҳақида ҳеч қандай маълумот қолмаганди. Охири полицияга мурожаат этишга мажбур бўлди, бироқ бундан ҳозирча натижа чиққани йўқ.