Ким Чен Ин ҳарбийларига Жанубий Кореяга зарба беришга тайёрланишга буюрди

Шимолий Корея раҳбари Ким Чен Ин мамлакат жанубий чегараларидаги икки оролда жойлашган ҳарбий отрядларни кўздан кечириш учун келган вақтида Пхеньян Жанубий Кореяга ҳужум қилиш имкониятларини кўриб чиқиш кераклигини маълум қилган. Бу ҳақда Корея Марказий ахборот агентлигига асосланган ҳолда Ёнҳап агентлиги хабар тарқатди.

Ким Чен Иннинг ташрифидан сўнг ҳарбийларга тўла жанговар ҳолатда туриш буюрилган.

«У (Ким Чен Ин) маълум қилдики, жанубий-ғарбий фронт чизиғида армиянинг артиллерия бўлинмалари душманнинг қанотини синдириш учун доимо шай бўлиб туриши керак», — дейилган хабарда. «Замин»ни Telegram’да ўқинг!