Франциянинг денгиз ортидаги ҳудудларида президент сайловининг иккинчи тури натижаларига кўра Эмманюэль Макрон устун келди. Бу ҳақда ишончли манбасига асосланган ҳолда Бельгиядаги Le Soir газетаси хабар берди, деб ёзмоқда Kun.uz сайти.
Нашрнинг қайд этишича, Сен-Пьер ва Микелон денгиз орти жамоатида Макрон 63,3 фоиз овозни қўлга киритди, «Миллий фронт» партиясидан номзод Марин Ле Пен эса 36,7 фоиз овозга эга бўлиб турибди. Сен-Мартенда Макрон 67,6 фоиз, Ле Пен эса 32,4 фоизга эгалик қилиб турибди. Франция Гвианасида Макрон ва Ле Пеннинг кўрсаткичлари тегишли равишда 65 ва 35 фоизни ташкил қилмоқда. Ниҳоят, Мартиника оролида Макрон 77,5 фоизлик кўрсаткич билан етакчилик қилмоқда, Ле Пен хоним эса 22,5 фоиз овозга эга.
Тилга олинган ҳудудларда овоз бериш соат камарларидаги тафовут туфайли илгарироқ бўлиб ўтди.
АҚШ ва Канадада истиқомат қилувчи Франция фуқаролари орасида Макронни қўллаб-қувватловчилар улуши янада кўпроқни ташкил этмоқда: Нью-Йоркда у 94,7 фоиз (Ле Пен — 5,3 фоиз), Чикагода 92 фоиз (Ле Пен — 8 фоиз), Бостонда 95,7 фоиз (Ле Пен — 4,3 фоиз), Оттава ва Монреалда 90 фоиз (Ле Пен — 10 фоиз) овозни қўлга киритди.
Paris Match, CNews ва Sud Radio буюртмасига кўра Ifop-Fiducial томонидан ўтказилган сўровноманинг 5 май куни эълон қилинган натижаларига кўра сайловда Эмманюэль Макрон Марин Ле Пенни 63 фоизга 37 фоиз фарқи билан ортда қолдириши прогноз қилинган. “Замин” янгиликларини “Youtube”да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
Америкалик олимлар барча учун бирдек фойдали жисмоний фаоллик турини аниқлади
Эрон президенти жиддий баёнот берди: «Исроилдан ҳеч нарса қолмайди»
Пиёда юриш ва боғдорчилик билан шуғулланиш депрессияга чалинишни 23 фоизга камайтиради
Германияда мактаб ўқувчилари оммавий равишда ислом динини қабул қилмоқда
Велосипедда сайр қилиш учун 3 сабаб: ёшартиради, оздиради ва умрни узайтиради
Crocus терактида айбланаётган тожикистонлик Далержон Мирзоевнинг ота-онаси ўғли ҳақида гапирди
Россия дунёдаги биринчи водород ёқилғили автомобилни тақдим этди
Владимир Путин «Крокус»да содир этилган теракт учун ўч олишга чақирди