22:48 / 30.06.2015
10 679

Хитойдан Россияга олиб борувчи ер ости йўли топилди

Хитойдан Россияга олиб борувчи ер ости йўли топилди

Хитой ва Россия чегарасида яширин ер ости йўли топилди. Ўтган асрнинг 30 йилларида Маньчжурия Япония томонидан босиб олинган пайтда разведкачилар ундан фойдаланган. Бу ҳақда «Nat-geo.ru»га асосланиб «Daryo.uz» хабар бермоқда.

1931–1932 йилларда япон қўшинлари Маньчжурияга бостириб кирган. Бунга жавобан Японияга қарши Шимоли-Шарқий партизанлик бирлашмаси таркиб топган. Чегара ер ости йўли бирлашган армия эҳтиёжлари учун қазилган бўлиб, яқиндагина топилди. Дуннин музейи ходимлари КХДРга ташриф буюриш чоғида яширин ер ости йўлини қазишда иштирок этган Шимолий Корея мутахассислари ҳақида хабар топди. Тадқиқот ишлари олиб борилиши натижасида ушбу объект топилди.

Ер ости йўли Хэйлунцзян туманидаги Дуннин уездини Россия Приморьеси билан бирлаштирган. Мутахассислар фикрича, ушбу ер ости йўлидан Хитой разведкаси билан Узоқ Шарқдаги Совет Иттифоқи разведка бошқармаси ўртасида маълумот алмашиш учун фойдаланилган.

arenda kvartira tashkent


Ctrl
Enter
Хато топдИнгизми?
Иборани ажратиб Ctrl+Enter тугмасини босинг
Янгиликлар » Дунё » Хитойдан Россияга олиб борувчи ер ости йўли топилди