Албанияда келиннинг юзи нега оқ рангга бўялади?

Албаниянинг Кичево ҳудудида асрлар давомида сақланиб келаётган ўзига хос тўй анъанаси бугунги кунда ҳам кўпчиликнинг қизиқишига сабаб бўлмоқда.

Унга кўра, никоҳ маросими олдидан келиннинг юзи тўлиқ оқ рангга бўялади. Шундан сўнг юзига нафис нақшлар чизилиб, тангалар ва турли миллий безаклар билан безатилади. Ушбу мураккаб жараённи якунлаш учун одатда бир неча соат вақт сарфланади.

Мазкур урф-одатнинг келиб чиқиши ҳақида турли қарашлар мавжуд. Айрим манбаларда оқ бўёқ ва юздаги нақшлар келинни ёмон кўз ҳамда ёвуз кучлардан асраш рамзи экани айтилади. Бироқ бу талқин тарихий манбалар томонидан тўлиқ тасдиқланмаган.

Шунга қарамай, бу ноёб маросим бугунги кунгача ўз аҳамиятини йўқотмаган. У нафақат Кичево минтақасининг ўзига хос маданияти, балки Албан халқининг бой тарихий мероси ва миллий анъаналарини акс эттирувчи ноёб қадриятлардан бири сифатида эътироф этилади.