Хитойда мини-вертолёт ҳалокатга учради: икки сайёҳ жароҳатланди

Хитойнинг Синхай провинциясидаги сайёҳлик ҳудудида Ҳарбин ХЛИ русумли мини-вертолёт ҳалокатга учради. Ҳодиса паст баландликда амалга оширилаётган парвоз вақтида содир бўлган.

Дастлабки маълумотларга кўра, ҳаво кемаси яқин атрофда учаётган бошқа учиш аппарати ҳосил қилган кучли ҳаво оқими гирдобига тушиб қолган. Натижада учувчи бошқарувни йўқотган ва мини-вертолёт ерга қулаган.

Ҳодиса оқибатида ерда бўлган икки нафар сайёҳ турли даражадаги жароҳатлар олган. Уларга зудлик билан тиббий ёрдам кўрсатилган.

Айни пайтда воқеа юзасидан суриштирув ишлари олиб борилмоқда ҳамда ҳалокатнинг аниқ сабаблари ўрганилмоқда.