Клинтон Трампнинг президентлиги шармандалик билан тугаши мумкинлигини айтди

АҚШнинг собиқ давлат котиби Ҳиллари Клинтон Дональд Трампнинг президентлиги шармандалик ва импичмент билан тугаши мумкинлигини айтди, деб ёзади Kun.uz сайти. Клинтон бундай фикрни Массачусетс штатидаги Уэллесли-коллеж талабалари билан учрашувда билдириб ўтди.

Клинтон Трампнинг номини айтмай туриб, унинг президентлиги "унга қарши терговни олиб борган одамни ўз лавозимидан четлатгандан кейин адолатга қаршилик кўрсатиши сабабли шармандалик ва импичмент билан тугаши мумкинлигини" айтган.

Клинтон ўз нутқида Федерал қидирувлар бюросининг собиқ директори, 9 май куни Трамп томонидан ўз лавозимидан бўшатилган Жеймс Комини назарда тутган. «Замин»ни Telegram’да ўқинг!