Қозоғистон президенти Нурсултон Назарбоев ёш йигитларга соқол ўстириш ва қизларга «ўзларини тўлиқ қора кийим билан ўрашни» қонуний равишда тақиқлашни таклиф қилди. Бу ҳақда президент матбуот хизмати Назарбоевнинг Қозоғистон Мусулмонлари диний бошқармаси вакиллари билан бўлган учрашуви якунлари бўйича хабар берган, деб ёзмоқда Tnews.uz сайти.
«Илмсизлик оқибатида ёшларимиз соқол ўстириб, шимларини калталатишяпти. Ўзини қора матох билан тўлиқ ўраётган қизларнинг ҳам сони ортиб боряпти. Бу на бизнинг анъаналаримизга, на халқимизга мос келади. Буни қонуний тарзда тақиқлаш масаласини ишлаб чиқиш лозим. Қозоқлар қора кийимни мотам даврида кийишади», — деди президент Назарбоев.
Нурсултон Назарбоевнинг таъкидлашича, рақамли технология ривожланаётган даврда Қозоғистон «ноанъанавий оқимлар ташвиқотига» тўсиқ қўйишни уддалаши керак. Зарурат бўлса, давлат Қозоғистон Мусулмонлари диний бошқармасини қўллаб-қувватлашга тайёр. Унинг гапларига қараганда, давлат ҳукуматга содиқ мингта имомларнинг профессионал даражасини оширишга кўмак беради.
Қозоғистон президенти маъмуриятининг бу учрашув ҳақидаги хабарига кўра, Назарбоев қозоғистонликлар учун исломнинг ҳанафий мазҳаби анъанавий йўналиш ҳисобланишини айтган. Сўнги йилларда Қозоғистон ҳукуматидагилар мамлакатда исломнинг бошқа оқимлари, хусусан, ваҳобий ва салафий оқимларининг таъсири кучайиб бораётганидан бир неча бор ҳавотир билдиришган. “Замин” янгиликларини “Инстаграм”да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
Пиёда юриш ва боғдорчилик билан шуғулланиш депрессияга чалинишни 23 фоизга камайтиради
Қайси кундалик одатлар иммунитет пасайишига олиб келишини биласизми?
АҚШнинг Ғазодаги сиёсатидан норози Давлат департаменти расмийси истеъфога чиқди
Германияда мактаб ўқувчилари оммавий равишда ислом динини қабул қилмоқда
Ортиқча вазнли инсонлар учун соғлом овқатланишнинг бешта муҳим қоидаси
Сариқми ёки яшил: қайси турдаги банан фойдалироқ?
Тошкентда 02 кодли авторақамлар тахминан қачон пайдо бўлиши айтилди
Лукашенко Ғарбга таҳдид билан чиқди