Шпицберген яқинидан Россиянинг ғойиб бўлган вертолёти бўлаклари топилди

Россиянинг Ми-8 вертолёти бўлаклари Баренцбург (Шпицберген архипелаги) яқинидаги денгиздан, тахминан 200 метр чуқурликдан топилди. Бу ҳақда Шимолий Норвегия қутқарув маркази маълум қилди. Бу ҳақда «РИА Новости»га таяниб «Дарё» хабар берди.

Россия ФВВ 28 октябрь, шанба куни ғойиб бўлган вертолётни қидириш учун Шпицбергенга ғаввослар ва юқори технологияли жиҳозлар, жумладан, Falcon сувости қурилмасини етказди. Қидирув ишларини россиялик ва норвегиялик қутқарувчилар олиб борди.

Норвегия қутқарув хизматига кўра, вертолёт ғойиб бўлиши арафасида ишлаб турган двигатель овози бирданига ўчиб қолганини одамлар эшитган.

Россиянинг Ми-8 вертолёти Шпицберген ороли яқинида 26 октябрда ҳалокатга учради. Унинг бортида саккиз киши, жумладан, Арктика ва Антарктика илмий-текшириш институтининг уч ходими бўлган. «Замин»ни Telegram’да ўқинг!