Лондоннинг кўчаларидан бирига осмондан муз бўлаги тушди ва ён-атрофдаги одамларга шикаст етказишига бир бахя қолди. Бу ҳақда Kun.uz нашри хабар бермоқда.
Воқеа видеода қайд қилинган. Роликда кўчада фаррошни ва яна бир неча кишини кўриш мумкин. Муз бўлаги фаррошдан 2-3 метр чамаси нарироққа катта куч билан тушиб, парчаланиб кетган. Бундай кутилмаган ҳолатдан фаррош чўчиб, бир сакраб тушган.
Сергей Мешков номли ушбу фаррош Richmond and Twickenham Times газетасига юз берган воқеа ҳақида сўзлаб берган.
“10 кг гача келадиган муз бўлаги ё самолётдан, ё осмондан тушди. Бу жуда тез содир бўлди. Мен унча қўрқмадим, бироқ муз мени ўлдириши ҳам мумкин эди. Омадим келди, деб ўйлайман”, деб айтган фаррош.
Воқеанинг яна бир гувоҳи юз берган воқеани “даҳшат” деб атаган.
“Бу фалокат ҳақидаги фильмга ўхшаб кетди. Муз бўлаги гўёки метеорит тушгандек шовқин солди. Кўчадаги фаррош бундан кўрқиб кетди. Ҳамма нима содир бўлаётганини кўриш учун ташқарига югуриб чиқди. Бу даҳшат эди”, деб айтган у.
Нашрнинг таъкидлашича, муз тушган кўча устидан тез-тез самолётлар учиб туради. Фуқаро авиацияси бошқармаси вакили гоҳида самолётлардан муз бўлаклари тушиб туришини, бироқ бу ҳолат бирор метеорологик ҳодиса билан боғланган бўлиши мумкинлигини айтган.
«Замин» янгиликларини «Вконтакти»да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
Организм ўзини токсинлардан қандай тозалайди?
АҚШ ҳарбийлари орасида ўз жонига қасд қилиш кўпайди
АҚШ Исроилнинг икки вазирига санкция қўлламоқчи
Буйрак саломатлиги учун энг фойдали сабзавот...
Яхши пишган ва мазали анор танлашга ёрдам берадиган тавсиялар
Apple донгдор икки айфонини расман эскирган деб эълон қилди
Энди операциядан сўнг кесмалар ўрни икки баробар тезроқ битиши мумкин
Дональд Трамп 27 ёшли Каролин Левиттни Оқ уй матбуот котиби этиб тайинламоқчи
