Миллиардер "фаррош" воқеаси

Бир куни маккалик киши Масжидул Ҳаромда ишлаётган фаррошга садақа қилмоқчи бўлди. Аммо фаррош уни ҳайратга солиб, садақа олишга эҳтиёжи йўқлигини тушунтирди ва бунга исбот тариқасида пул тўла ҳамёни-ю, банк карталарини кўрсатди.

Буни кўрган маккалик ундан “Нима учун бу ердасиз?”, - дея сўради.
Фаррошнинг жавоби қуйидагича бўлди: “Мени Ҳиндистоннинг турли шаҳарларида ўз меҳмонхоналарим бор. Вақти-вақти билан бу ерга келиб ишлайман. Ниятим қилаётган ишларимга ҳақ олиш эмас, балки Аллоҳ йўлида чин дилдан хизмат қилишдир”.

Миллиардер фаррошнинг сўзларидан ҳайратланган маккалик у ҳақида бошқа ишчилардан ҳам сўради. Жавоб қуйидагича бўлди: “Бу ишчи ҳиндистонлик миллиардер. Ҳар йили олти ой давомида бу ерда текинга ишлайди”.

Манба: Azon.uz

Янгиликлар