Ҳиндистоннинг Уттар-Прадеш штатидаги шифохоналардан бирида оёғи кесиб ташланган беморга ёстиқ ўрнига унинг кесилган оёғи берилди. Ушбу ҳолат видеоси твиттерда жойлаштирилди. Видеода оёғи тиззаси пастидан кесилган эркак кушеткада томизғич (капельница) остида ётганини, унинг кесиб ташланган оёғи эса боши остига қўйилганини кўриш мумкин.
NDTV телеканалининг маълум қилишича, ушбу воқеа Жханси шаҳридаги давлат тиббиёт коллежи қошидаги шифохонада юз берган. Шифохонада ушбу ҳолат юзасидан текширув бошланган ва у ўтказилиши вақтида воқеага алоқадор 2 шифокор вақтинчалик четлатилган. Махсус комиссия айнан ким бемор бошига остига унинг оёғини қўйганини аниқлаши керак. Агар шифокорлар айбдор бўлсалар, уларга нисбатан жиддий чоралар кўрилади.
Шу билан бирга беморнинг яқинлари ва шифокорлар версиялари фарқ қилмоқда. Шифокорларнинг айтишича, йўл-транспорт ҳодисасида жабрланган Гханшям исмли эркакка шифохонада шошилинч ёрдам кўрсатилган. Шундан кейин шифокор бемор боши остига қўйишга нарса қидира бошлаган ва беморнинг яқинларидан бири унинг кесилган оёғини қўллашга қарор қилган. Бемор яқинларининг айтишича эса, оёқни эркак боши остига шифокорлар қўйишган ва уни ёстиқ билан алмаштиришдан бош тортишган. Натижада беморнинг яқинлари бозордан ёстиқ сотиб олишган.
Эркакнинг оёғи йўл транспорт ҳодисаси оқибатида узилиб кетгани ёки шифокорлар уни олиб ташлашга мажбур бўлганлари борасида ҳам аниқлик киритилмаган.
200 млндан кўпроқ одам яшайдиган Уттар-Прадеш Ҳиндистоннинг энг ночор штатларидан бири ҳисобланали. Таъкидланишича, бу ерда шифохонада кичик даволанишни ҳам анча узоқ кутишга тўғри келади, тиббий масъулиятсизлик эса кенг тарқалган ҳодисадир.
Манба: Kun.uz “Замин” янгиликларини “Youtube”да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
Небензя Ғарбнинг БМТ Хавфсизлик Кенгашидаги нутқини иккиюзламачилик паради деб атади
“Толибон” Эроннинг Исроилга қарши ҳужумини қўллаб-қувватлади
Бухоро вилоятида «Нексия-3» автомашинаси букланиб қолди
Можародан сўнг Украинани нима кутаётгани маълум бўлди
Эроннинг Исроилга ҳужуми шунчаки спектакль эдими?..
Пентагоннинг собиқ таҳлилчиси Ғарб нега Украинада тинчлик истамаслигини тушунтирди
Давлат хавфсизлик хизмати маклерларга қўшиб мансабдорларни ҳам қўлга олди
Элдор Шомуродов гол урган баҳсда “Кальяри” меҳмонда “Интер” билан дуранг ўйнади (видео)
