Роналду товламачиликда айбланмоқда, суддаги иши пачава бўлди

24 март куни «Реал» ҳужумчиси Криштиану Роналдунинг солиқлардан бўйин товлаганлик иши бўйича навбатдаги суд маҳкамаси ўтказилди.

Футболчининг адвокатлари жараёнга уч нафар солиқ экспертини таклиф қилишди. Тўрт соат давом этган сўроқ натижасида, экспертлар солиқ идораларининг ҳақ эканини тан олишга мажбур бўлишган, деб хабар беради Kun.uz.

Бундан ташқари, экспертлар имиж ҳуқуқларидан олинган даромад, кўчар мулк каби паст ставка бўйича солиққа тортилиши кераклиги ҳақидаги адвокатларнинг фикрини умуман нотўғри эканини тасдиқлашган.

Манбанинг таъкидлашича, бундай кўрсатмалардан сўнг, Роналду ҳукумат вакиллари билан келишиб олишга ва низони ҳал қилиш учун музокара бошлашга мажбур бўлади. Акс ҳолда у солиқларни тўлашдан бўйин товлагани учун 10 йиллик қамоқ жазосига маҳкум қилиниши мумкин.

Эслатиб ўтамиз, шу пайтгача Роналду бу иш юзасидан тўлиқ айбсиз эканини таъкидлаб келаётганди. «Замин»ни Telegram’да ўқинг!