АҚШда осмондан 50 дан кўпроқ ўлик ғоз тушди

АҚШнинг Айдахо-Фолс шаҳрига осмондан 50 дан кўпроқ ўлик ғоз тушган. Бу ҳақда Fox 13 телеканали хабар бермоқда. Шаҳар маъмурияти ушбу воқеани ғайриодатий деб атаган.

Воқеа 7 апрелда дўл билан кечган момақалдироқ вақтида юз берган. Ғозлар жасади бир неча юз метрлик радиусда аниқланган. Ҳаммаси бўлиб 48 та оқ ғоз ва 3 та Росс ғози йиғиб олинган. Шунингдек, ўлик ғозлар ён атрофдаги уйлар томида ҳам аниқланган.

Мутахассисларнинг фикрича, ғозлар тўдаси Канадага йўл олаётган бўлган. Тахмин қилинишича, уларнинг ҳалокатига чақмоқ уриши сабаб бўлган. Агар қушлар дўлга тушиб қолганда, улар ер томон йўналиб, қўнган бўларди. «Замин»ни Telegram’да ўқинг!