Украина президенти Пётр Порошенко журналистлар билан суҳбатда Донбассга БМТ байроғи остида тинчликпарвар кучларнинг юборилиши ўта муҳимлигини айтиб ўтди. У, шунингдек, Россия президенти Владимир Путинни бу жараёнга тўсқинлик қилишда айблаган.
Порошенко Путиннинг бу масаладаги роли ҳақида гапира туриб, Путинга сенсираб мурожаат қилган: “Бугунги кунда тинчликпарвар кучларга зарурат юзага келди, уларсиз иложи йўқ. Ва сен, ҳурматли жаноб Путин, ёки ҳурматсиз, дунёга нима учун бунга қарши эканлигингни тушунтириб бера олмаяпсан. Демак, ҳар куни украиналик ҳарбийлар ва фуқаролар ўлаётгани учун жавобгарлик сенинг зиммангдадир, сенинг зиммангда давлатимизга қарши уруш ва тажовуз қилиш учун жавобгарлик ётади”.
Порошенконинг фикрича, Путин Донбассдаги ихтилофни ва одамлар ҳалок бўлишини осонлик билан тўхтатиши мумкин. Бунинг учун Россия Украина инқирозини ҳал қилиш бўйича БМТ Хавфсизлик кенгашига олиб чиқиладиган таклифга тақиқлов қўйишни бас қилиши етарли бўлади. “Сен буни осонликча қила оласан – бу шунчаки тақиқлов қўйишни қўлламасликдан иборат. Сендан бошқа ҳеч нарса талаб қилинмайди”, деб сўзларини давом эттирган Украина етакчиси.
Порошенко Донбассда Европада хавфсизлик ва ҳамкорлик ташкилоти кузатувчиларига ҳамроҳлик қилиш учун тинчликпарвар кучларни қўллаш имкониятига изоҳ бериш вақтида Россиянинг барча фуқароларига ҳам “ҳурматли ва ҳурматсиз россияликлар” деб мурожаат қилган. “Эскорт – бу бошқа нарса, ҳурматли ёки ҳурматсиз россияликлар. Бизга Россия ёки россияликлар назоратидаги маҳаллий ноқонуний қуролли тузилмаларни қуролсизлантиришга мандат, ваколат ва имкониятга эга тўлақонли тинчликпарвар миссия зарур”, деб айтган Порошенко.
Путин 2017 йилда Донбассга БМТнинг тинчликпарвар кучларини юбориш ғоясини қўллаб-қувватлаганди. Москва БМТ Хавфсизлик кенгашига тегишли резолюцияни йўллашга ваъда берган. Россия позициясига кўра, тинчликпарвар кучлар ажралиш чизиғида жойлаштирилиш керак. “Замин” янгиликларини “Одноклассники”да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
Самарқандда ҳайдовчидан пора сўраган ЙПХ ходимлари ишдан бўшатилди
Халқаро суд: Германия Исроилга ҳарбий ёрдамни тўхтатишга мажбур эмас
Фаластин тарафдорлари намойишлари бутун дунё университетларини қамраб олмоқда
Тбилисидаги намойишлар: полиция қалампир газидан фойдаланди
Навоийда автомашинасига сирена ўрнатиб ҳаракатланган ҳайдовчига чора кўрилди
Самарқандда ЙПХ ходими ҳайдовчидан пора сўради: “Уч кишига тушлик олиб келинг”
Яна икки хорижий компания Ўзбекистонда пуллик автомобил йўли қуришга қизиқяпти
Русланбек Жиянов: "Япония терма жамоаси билан икки йил аввал ҳам тўқнаш келганмиз"
