21:30 / 28.04.2018
4 558

Ниҳоят Шимолий ва Жанубий Корея президентлари чегарада учрашди (фото+видео)

Ниҳоят Шимолий ва Жанубий Корея президентлари чегарада учрашди (фото+видео)
Кеча, 27 апрель куни Шимолий ва Жанубий Корея етакчилари ҳарбий кучлардан холи ҳудуд — Пханмунжом чегара қисмида учрашди.

Икки давлат раҳбарлари иштирокидаги саммитнинг биринчи қисмида Корея ярим оролини ядроқуролдан ҳоли ҳудудга айлантириш масаласи диққат-эътиборда бўлди. Муҳокама жараёнида Ким Чен Ин ўзаро қарама-қаршиликка чек қўйишга чақириб, узоқ кутилган яхши қўшничилик муносабатларига фурсат келганини таъкидлади.

Мун Чже Ин эса икки давлат ўртасидаги мустаҳкам алоқаларнинг ўрнатилишига тилак билдириб, Жануб ва Шимол ўртасида темир йўл қатновини йўлга қўйишни таклиф этди.

Олий даражадаги музокаранинг иккинчи қисмида икки давлат раҳбарлари томонидан саммит якунлари бўйича қўшма баёнот имзолади.
Ўзаро тинчлик, Корея ярим оролини бирлаштириш ва тараққий эттиришга бағишланган Пханмунжом декларациясига кўра, Корея ярим оролини ядроқуролдан ҳоли ҳудудга айлантириш икки давлатнинг умумий мақсади саналади.

Шунингдек, Корея ярим оролида энди ҳеч қачон уруш бўлмайди. Жануб ва Шимол бир-бирига ҳар қандай душманона ҳаракатни тўхтатади. Иккала томон олий ва бошқа даражадаги фаол музокараларга доим киришади. Жанубий ва Шимолий Корея темир йўллари бирлаштирилади.

Бундан ташқари саммит якунида томонлар 1950-1953 йиллардаги Корея уруши оқибатида бир-биридан ажралган қон-қариндошлар учрашувини ташкил этишга келишиб олди. Кесон чегараолди ҳудудида шу каби гуманитар масалаларни ҳал қилишга мўлжалланган пункт биргаликда барпо этилади.
[media=https://instagram.com/p/BiGnQQLAwBY/?utm_source=ig_embed]

arenda kvartira tashkent


Ctrl
Enter
Хато топдИнгизми?
Иборани ажратиб Ctrl+Enter тугмасини босинг
Янгиликлар » Дунё » Ниҳоят Шимолий ва Жанубий Корея президентлари чегарада учрашди (фото+видео)