13:52 / 05.06.2018
4 516

Украиналик аёл катта пулга эга чиқиш ниятида 17 ёшли қизини Польшадаги қўшмачиларга сотди

Украиналик аёл катта пулга эга чиқиш ниятида 17 ёшли қизини Польшадаги қўшмачиларга сотди
Бу аёл львовлик бўлиб, исми-шарифи хавфсизлик мақсадларини кўзлаган ҳолда сир тутилмоқда. Львовдаги аҳолини ижтимоий ҳимоя қилиш департаменти Наталья Горуннинг ҳикоя қилишича, аёл қизини алдов йўли билан Польшага олиб борган. Айтганки, у ерда катта пул ишлаб топса бўладиган жуда енгил ва тоза иш бор. Қиз онасидан шубҳа қилмайди-ку! Борган. Афсуски, туққан она ҳали вояга етиб улгурмаган қизини қўшмачиларга қулликка берган. Эвазига катта миқдордаги пулларни олган-у, ғойиб бўлган.

Қўшмачилар эса қулга айланган бу қизни фоҳишаларнинг «қора бозори»да туришга мажбур этишган. Ҳали вояга етмаган бу қиз билан айш қилишни хоҳловчи эркаклар кўплиги сабабли тўққиз ой давомида қиз қўшмачиларга анча-мунча пул ишлаб берган. Хайриятки, бу ифлосликдан Польша полицияси вакиллари хабар топишди ва қизни қулликдан озод этиб, ватанига жўнатишди. Жиноятчилар эса озодликдан маҳрум этилди.

Пулни деб иблис етагига кирган, худони унутган, иймони (агар бўлса) ни сотган онани эса Украина ҳуқуқни муҳофаза қилиш ташкилоти ходимлари қидиришмоқда.

Манба: Hordiq.uz

arenda kvartira tashkent


Ctrl
Enter
Хато топдИнгизми?
Иборани ажратиб Ctrl+Enter тугмасини босинг
Янгиликлар » Дунё » Украиналик аёл катта пулга эга чиқиш ниятида 17 ёшли қизини Польшадаги қўшмачиларга сотди