Россия президенти Владимир Путиннинг маълум қилишича, рус халқи ҳар доим суверенитетни танлайди.
«Мен Россия ёки суверен бўлиши, ёки у умуман бўлмаслигидан келиб чиқмоқдаман. Албатта, Россия халқи ҳар доим биринчисини танлайди», - дея айтиб ўтди Путин Хитой Медиакорпорациясига берган интервьюсида.
Шунингдек, Путиннинг айтишича, Россия халқаро аренада халқаро ҳуқуқ принципларига риоя қиладиган, ҳамкорлар манфаатига ҳурмат билан қарайдиган ва ўз манфаатларига зарар етмаслигини кузатиб борадиган давлат сифатидаги ўрни йўқолмаслигига жиддий эътибор қаратиб боради.
Путиннинг маълум қилишича, Америка томони босими остида Россияга қарши санкциялар жорий қилган давлатлар бу чораларни энди ўзида синаб кўради.
Унинг ишонч билдиришича, соғлом фикр аста-секин ғалаба қозонади, жаҳон иқтисодиётига зарар етказаётган барча ноқонуний чекловлар эса бекор қилинади. Унинг қўшимча қилишича, барча ҳамкорлар, шу жумладан, Америка томони билан ҳам муносабатлар яхшиланади. Путиннинг таъкидлашича, «Қўшма Штатлар позициясига қўшилиб» Россияга қарши санкциялар киритган давлатлар АҚШ санкцияларидан «энди ўзи жабр кўрмоқда».
«Мен буни хурсандлигим ёки истеҳзо билан айтаётганим йўқ. Бу воситалар универсал экани исботланмоқда ҳамда уларни жорий этиш барчага, жумладан, бундай ташаббус билан чиққанларга ҳам зарар етказиши ойдинлашиб боряпти», - дея маълум қилди Путин.
Россия ташқи ишлар вазири Сергей Лавровнинг КХДРга ташрифи вақтида Шимолий Корея томони Владимир Путинга Пхеньянга келиш ҳақида таклиф берган.
Бу ҳақда Лавровга яқин бўлган шахсларга таянган ҳолда япон парламенти собиқ депутати, айни вақтда Москвада бўлиб турган Судзуки Мунэо хабар қилган.
Бундан ташқари, хабар берилишича, КХДР етакчисига Путиндан хат ҳам топширилган, унда Россияга ташриф билан келиш таклифи билдирилган.
Эслатиб ўтамиз, аввалроқ Путин немис тилида журналистдан ўз сўзини бўлмасликни сўраганди. «Замин» янгиликларини «Вконтакти»да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
Тошкент-Андижон пуллик йўли лойиҳаси 4,65 млрд долларга баҳоланди
Етти нафар ўзбекистонлик меҳнат муҳожири Қозоғистондан чиқариб юборилди
Россия билан ҳамкорликда Қашқадарёда осма йўл қурилади
Ўзбекистонда Хитой билан ҳамкорликда чиқиндиларни ёқиш заводи қурилади
U-23 Осиё Кубоги. Ўзбекистон сўнгги дақиқаларда гол ўтказиб юборди ва 2-ўрин билан якунлади
Украинада сафарбарлик тўғрисидаги янги қонуннинг бир қисми кучга кирди
Мессининг келиши "Интер Майами" бюджетига қандай таъсир қилди?
Фёдор Емеляненко: “Мен Майк Тайсон билан жанг қилишни режа қилгандим”