Толиблар ярашув режимига жавобан ҳарбий базани қўлга олди ва 30 нафар аскарни ўлдирди

  • 21 июнь 2018, 13:28
  • 2 502
  • Дунё
  • Толиблар ярашув режимига жавобан ҳарбий базани қўлга олди ва 30 нафар аскарни ўлдирди
    «Толибон» ҳаракати аъзолари Афғонистон шимоли-ғарбидаги Бадғис вилоятида ҳарбий базани эгаллаб олди. Бу ҳақда Reuters агентлигига таяниб Дарё хабар бермоқда.

    Толиблар 20 июнь, чоршанба куни эрта тонгда иккита блокпостга ҳужум қилди. Шундан сўнг улар ҳарбий базага бир вақтнинг ўзида бир нечта томондан ҳужум қилди. Жангариларга қарши кураш бир неча соат давом этган, бироқ ҳужум оқибатида 30 нафар аскар ўлдирилган, объект эгалланган.

    Шу билан бир пайтда тўқнашувлар давомида вилоятда 15 нафар толиб йўқ қилинган, бундан ташқари яна тўрт нафар ҳарбий ҳалок бўлган. Маҳаллий кенгаш раҳбари Абдулазизбекнинг маълум қилишича, ҳужум олдиндан тайёрланган, жангарилар разведкани ўтган ярашув режими вақтида амалга оширган.

    Аввалроқ толиблар 17 йилда илк бор ярашув ҳақида эълон қилган эди. Афғонистон расмийлари томонидан 11 июндан 19 июнга қадар эълон қилинган ярашув режими кейинроқ яна 10 кунга узайтирилган эди. Ҳар иккала томон ҳужум амалга оширилган тақдирда жавоб қайтаришга сўз берган эди.

    Facebook орқали авторизация
    Маълумот

    Посетители, находящиеся в группе Гости, не могут оставлять комментарии к данной публикации.
    » » Толиблар ярашув режимига жавобан ҳарбий базани қўлга олди ва 30 нафар аскарни ўлдирди