11:57 / 25.06.2018
3 093

Жонни Депп 650 миллион доллар бойлигини қандай қилиб йўқотганини айтди?

Жонни Депп 650 миллион доллар бойлигини қандай қилиб йўқотганини айтди?
Rolling Stone журнали ходими Стивен Родрик таниқли Голливуд актёри Жонни Депп билан бир неча кун бўлиб, унинг адвокати билан актёрдаги молиявий ва шахсий муаммоларни муҳокама қилди. Бу ҳақда Дарё хабар бермоқда.

Журналист 54 ёшли актёрнинг Лондондаги уйида интервью олди. Интервью 72 соат давом этди.

Родрикнинг аниқлашича, ўз фаолияти давомида актёр 650 миллион доллар ишлаган. Ҳозир эса унинг бойлигидан деярли ҳеч нарса қолмаган. Ўтган йили Депп 1999 йилдан буён унинг молиявий ишларини юритган The Management Group (TMG) компаниясини судга берган.

Деппнинг фикрича, компания унинг бойлигини ўз манфаатлари йўлида ишлатиб юборган. Бундан ташқари, актёрга айтмасдан унинг синглиси Кристига 7 миллион доллар бериб юборишган.

Актёрнинг сўзларига қараганда, TMG ишларнинг боришидан бохабар қилиб турмаган. У ўзи имзо чекадиган ҳужжатларни кўпинча ўқимаганини тан олиб, компания ходимлари унинг маблағини шу йўл билан ўзлаштирганини тахмин қилди.

TMG маълумотига кўра, Депп 75 миллион долларга уйлар, 70 та гитара, 200 та санъат асари, 45 та автомобиль сотиб олган. Бундан ташқари, у «Кардашьян оиласи» шоусидан 7 минг долларга диван харид қилган, ҳар ой парвозларга 200 минг доллардан, докторга 1,2 миллион доллардан, қўриқлаш хизматига 1,8 миллион доллардан сарфлаган.

Айни пайтда актёр кўп пул ишлатишни ёқтиришини тан олди. Жумладан, у, компания ҳужжатларида кўрсатилганидай, 30 мингга вино олмаган, балки кўпроқ сарфлаган.

«Винога ойига 30 минг доллар сарфлаган дейиш мени ҳақорат қилишдир, — деди актёр. — Мен анча кўп сарфлардим».
Ctrl
Enter
Хато топдИнгизми?
Иборани ажратиб Ctrl+Enter тугмасини босинг
Фикрлар (0)