Каталония етакчиси «Испания давлатига ҳужум қилиш» ҳақида ваъда берди

Каталония раҳбари Ким Торранинг маълум қилишича, минтақа ҳукумати «ноҳақ испан давлати»га қарши курашмоқчи. Бу ҳақда хориж матбуотига таяниб Кун нашри хабар берди.

Унинг сўзларига кўра, каталонлар ҳукумати Каталонияни республика қилиш учун «испан давлатига ҳужум қилишни» режалаштирмоқда.

Шунингдек, унинг таъкидлашича, Каталония ўзига «фуқаролик ва сиёсий ҳуқуқларни» қайтариш ниятида.

Торранинг қўшимча қилишича, мустақил Каталониянинг тарафдорлари «эркинликка эришмагунча» тўхтамайди.