Севгилиси учун жонини берган аёл

Қозоғистоннинг Жамбил вилоятидаги болалар боғчасида тарбиячи бўлиб ишлаган 29 ёшли Айгерим Молдатаева яқинда ўз жонига қасд қилди. Айтишларича, унинг одамлардан, банклардан миллионлаб қарзи бор экан.

Қарзларни эса ўзи учун эмас, севгилиси 27 ёшли исми-шарифи негадир эълон қилинмаган йигит учун олган. Суриштиришганда, йигит унинг кўнгилчанлигидан, севгисидан унумли фойдаланган ҳолда қарз олишга ундаб келган. Айгерим ҳатто фоизга пул олиб унинг қўлига тутқазган. Ношукр йигит эса бу пулларни қиморда ютқазаверган.

Айгерим яшаган Кўктол қишлоғидагилар жуда ачинишмоқда. Ахир, ҳали ёш эди, қолаверса, 8 ёшли ўғли бор. Энди у етим қолди-ку!

Эр ёки йигити бўлмиш бу қаҳрамон марҳуманинг қариндош-уруғларига катта гапириб барча қарзларни қоғозга ёзиб қўлига топширишларини, қарзлар тез фурсатда узилишини айтиб осмондан ҳам келган. Бироқ у бир тийин ҳам пул олиб келмаган.

Марҳуманинг оиласидагилар йигитни судга бериш ҳаракатида юришибди. Негаки, Айгеримнинг бировлардан олган қарзлари кредитлар билан қўшганда 5 миллион тангадан ошиб кетган.

Манба: Hordiq.uz «Замин»ни Telegram’да ўқинг!