11:21 / 22.09.2018
3 461

Киев Донбасс бўйича баъзи тафсилотларни ошкор қилди

Киев Донбасс бўйича баъзи тафсилотларни ошкор қилди
Украина ТИВ раҳбари Павел Климкин Киев ва ғарбдаги шериклар фикрича, Донбассдаги тинчликпарварлик миссияси қандай бўлиши кераклигини айтиб ўтди. У бу ҳақда Радио НВ эфирида маълум қилди, дея хабар беради Kun.uz.

Климкиннинг маълум қилишича, режада Донбассда ҳарбийлар, полициячилар ва халқаро маъмуриятнинг бўлиши назарда тутилади. Шу билан бирга, унинг айтишича, полициячилар ҳамда халқаро маъмурият масаласи «мегапринципиалдир».

Унинг сўзларига кўра, Донбассдаги тинчликпарварлар бўйича резолюция лойиҳаси Украина ва унинг ғарбдаги шерикларидан алоҳида бўлиши лозим. Унинг таъкидлашича, бундай лойиҳа «анча аввал» тайёрлаб қўйилган.

Украиналик вазирнинг қўшимча қилишича, тинчликпарварлик операцияси босқичма-босқич кечиши керак.

«Бироқ, умуман олганда, бу фақат маълум бир миссияларни қўриқлайдиган тинчликпарварлар бўлиши керак эмас... Туташ чизиқ бўйлаб ўтирадиган тинчликпарварлар шарт эмас... Эгаллаб олинган барча ҳудудга босқичма-босқич, бироқ кириб бориш жараёни бўлиши лозим», - дея айтиб ўтди Климкин.

Эслатиб ўтамиз, аввалроқ Россияни «овозни ўчиришга» чақирган Британия вазири Донбассга келганди.
Ctrl
Enter
Хато топдИнгизми?
Иборани ажратиб Ctrl+Enter тугмасини босинг
Фикрлар (0)