ОАВ: Ҳиндистон Россиядан С-400’ни сотиб олиш бўйича якуний қарор қабул қилди

Ҳиндистон Россиядан С-400 “Триумф” зенит-ракета мажмуаларини сотиб олишга тайёр. Бундай қарор ҳукумат йиғилиши натижалари бўйича қабул қилинган, деб хабар берди The Times of India нашри. Бироқ, ҳозирча бунинг расмий тасдиғи берилмаган.

“Триумф” тизимлари Ҳиндистонга 5 йил ичида етказилиши керак. Ҳиндистон ҳаммаси бўлиб ушбу тизимдан 5 тасини 5,43 млрд долларга сотиб олади. Битим тузилгани ҳақида ҳали расман эълон қилинмаган.

Манбаларнинг муҳокама қилишича, битим Ҳиндистон бош вазири Нарендра Моди ва Россия президенти Владимир Путиннинг 4-5 октбрдаги учрашуви давомида имзоланади.

Икки давлат АҚШ томонидан Россия қуролини сотиб олаётган давлатларга нисбатан санкциялар қўллаётган бир пайтда келишувга келган. АҚШ Хитойга бундай тизимларни сотиб олганлик учун санкциялар қўллаганди. «Замин»ни Telegram’да ўқинг!