ОАВ: Валиаҳд шаҳзода маслаҳатчиси Қошиқчини ўлдиришга буйруқ берган

Саудия Арабистони валиаҳд шаҳзодаси маслаҳатчиси Сауд ал-Қаҳтаний Skype орқали журналист Жамол Қошиқчини ўлдиришга буйруқ берган. Бу ҳақда ўз манбаларига иқтибос келтирган ҳолда Reuters ахборот агентлигига таяниб Kun.uz хабар берди.

Таъкидланишича, Қошиқчи 2 октябрда Саудия Арабистонининг Истанбулдаги консуллигида 15 кишидан иборат гуруҳ томонидан ушлаб олинган.

Маълумотларга кўра, Ал-Қаҳтаний виртуал тарзда журналистнинг сўроқ қилинишида иштирок этган ва уни ўлдиришни буюрган. Манбанинг таъкидлашича, ал-Қаҳтаний буни Skype орқали амалга оширган.

Қошиқчи консулликдаги хонага олиб кирилганда, Ал-Қаҳтаний алоқага чиққан ва журналистни ҳақоратлай бошлаган. Қошиқчи ҳам бунга ҳақорат билан жавоб берган. Шунда валиаҳд шаҳзоданинг маслаҳатчиси ўз жамоасига журналист билан орани очиқ қилиб қўйишни буюрган. “Менга бу итнинг калласини келтиринглар”, деб буюрган ал-Қаҳтаний.

Манбаларнинг маълумотларига кўра, маслаҳатчининг Skype орқали гаплашган ёзуви Туркия президенти ихтиёрида бор.

Янгиликлар