3 296
АҚШнинг Висконсин штати губернатори Скотт Уолкер Қўшма Штатлар собиқ президенти Барак Обамани дунёдаги энг катта ёлғончи деб атади ва унинг ObamaCare тиббий суғурта тизимини танқид қилди. Бу ҳақда Fox News телеканалига таяниб Kun.uz хабар бермоқда.
Уолкер бундай баёнот берганида, у 2013 йилда Politificat портали Обаманинг ObamaCare барчага ҳамёнбоп бўлиши борасидаги сўзларини «йил ёлғони», деб атагани ҳақида эслатиб ўтди.
«Менинг фикримча, агар сен [Обама] соғлиқни сақлаш тизими ва унинг мавжуд шароитлари ҳақида ёлғон гапиришда давом этмоқчи бўлсанг, унда сени дунёдаги энг катта ёлғончи деб айтиш мумкин», - дея маълум қилди Уолкер.
Аввалроқ, Обама ва Уолкер бир-бирини АҚШ соғлиқни сақлаш тизими ҳақидаги фикрлари учун бир неча бор танқид қилишган.
2017 йил январь ойида АҚШнинг амалдаги президенти Дональд Трамп конгресс кўмагида ObamaCare’ни бекор қилиш бўйича чоралар кўрди.
Жорий йилнинг февраль ойида АҚШнинг тўртта шаҳри Трампни ObamaCare’га зарар етказгани учун судга бергани хабар қилинган эди. «Замин»ни Telegram’да ўқинг!
Ctrl
Enter
Хато топдИнгизми
Иборани ажратиб Ctrl+Enter тугмасини босинг Мавзуга оид янгиликлар
22:11, 8-05-2025
