Покистонда “Толибон отаси” отиб кетилди

Покистон сенатининг собиқ аъзоси, “Толибон отаси” лақаби билан маълум бўлган Сами ал-Ҳақ 2 ноябрда Покистон шимолида отиб кетилди. Бу ҳақда ал-Ҳақнинг ўғлига иқтибос келтирган ҳолда Daily Pakistan нашри маълум қилди.

Маълум қилинишича, Сами ал-Ҳақ Равалпинди шаҳридаги ўз уйида ўқотар жароҳат билан ўлик ҳолда топилган. Ҳужум қилган кишининг шахси номаълум.

Маълум қилинишича, ал-Ҳақ ўз лақабини “Толибон” ҳаракати асосчиси Муҳаммад Умар билан яқин алоқалари сабабли олган. У, шунингдек, сунний-девабандийларнинг сиёсий партияси JUI-S фракциясига бошчилик қилган. «Замин»ни Telegram’да ўқинг!